Лукашэнка: Беларусь — адзін з культурных цэнтраў Еўропы
Дзякуючы маштабным творчым праектам Беларусь стала адным з цэнтраў культурнага жыцця Еўропы. Пра гэта 9 студзеня на цырымоніі ўручэння прэмій "За духоўнае адраджэнне" і спецыяльных прэмій дзеячам культуры і мастацтва заявіў прэзідэнт Аляксандр Лукашэнка.
Паводле яго слоў, у беларусаў сіла слова заўсёды шанавалася вышэй за сілу зброі, беларуская ж зямля нараджаюцца не агрэсараў і прыгнятальнікаў, а асветнікаў, навукоўцаў, мастакоў і паэтаў.
Прэзідэнт адзначыў, што народ Беларусі ніколі не забываў сваю спадчыну, зберагаў паданні, помнікі, традыцыі і песні і менавіта таму не растварыўся ў часе, а застаўся самім сабой, паведамілі ў
Адміністрацыі.
Паводле слоў Аляксандра Лукашэнкі, "нашы духоўнасць, мастацтва, культура — гэта крывяносная сістэма грамадства, якая дае яму жыццёвыя сілы". Ён таксама адзначыў, што заўсёды
і будзе рабіць усё для прымнажэння "гэтага вельмі багатага здабытку, для таго, каб кожны талент расквітнеў і ні адзін творчы парыў не загас".
Лукашэнка: без культуры няма свабоды
Як заявіў прэзідэнт, вышэйшая задача таленту — сваімі творамі даць людзям зразумець сэнс і цану іх існавання. На яго думку, культура і духоўнасць вызначаюць жыццё грамадства, стаўленне да
працы, адно да аднаго, да дзяцей і да Айчыны. Аляксандр Лукашэнка падкрэсліў, што без культуры няма свабоды, а пры адсутнасці маральных бар'ераў "свабода выраджаецца ў жорсткую,
разбуральную сілу, анархію". "Па-сапраўднаму свабодным можа лічыцца толькі чалавек, здольны да маральнай самадысцыпліны", — дадаў ён.
Па яго словах, беларусам нельга дапусціць страты ўласнага твару і ўнутранага стрыжня, якія складаюць духоўны код нацыі. Адзначыўшы, што культура валодае вялікай уладай, і таму яе аўтарытэт у
грамадстве павінен пашырацца і мацнець. Яна будзе і далей развівацца ў атмасферы наватарскага пошуку і жыватворнай канкурэнцыі, павагі да права мастака на творчую свабоду, сказаў ён.
"Але пры гэтым мы катэгарычна супраць расколу майстроў мастацтва па палітычных матывах. Спробы ўзвесці бар'еры паміж уладай і інтэлігенцыяй бесперспектыўныя", — заявіў
прэзідэнт.
Ён таксама паабяцаў заўсёды падтрымліваць "творцаў-патрыётаў, людзей светлага, стваральнага таленту, каб беларуская культура і далей служыла крыніцай маральнага вопыту і асновай духоўнага
згуртавання народа".