Макей: «Разлічваем на дывідэнды ад ЕС і ЗША, але паглыбім інтэграцыю з Расіей»

Беларусь будзе працягваць прытрымлівацца шматвектарнай палітыкі, заявіў міністр замежных спраў Уладзімір Макей на ўрачыстым сходзе ў Мінску, прысвечаным 100-годдзю беларускай дыпламатычнай службы, піша Еўрарадыё.

Макей адзначыў, што кіраўнік дзяржавы ставіць "новыя амбіцыйныя задачы, якія дыктуе сам час". "Беларусь як самастойная, незалежная еўрапейская дзяржава будзе і далей праводзіць шматвектарную знешнюю палітыку, не гандлюючы сваім суверэнітэтам у залежнасці ад тых ці іншых кан'юнктурных меркаванняў".
Таму адначасова з працягненнем курсу на паглыбленне і развіццё дачыненняў з Расійскай Федэрацыяй, Беларусь таксама разлічвае на сур'ёзныя дывідэнды ад выраўноўвання і вывядзення на належны ўзровень кантактаў і дыялогу з ЕС і ЗША. Будуць умацоўвацца дачыненні з КНР, адзначыў міністр замежных спраў.