Мясніковіч Саўміну: будзьце мужыкамі — заяву на стол і шукайце працу
Прэм'ер-міністр Беларусі Міхаіл Мясніковіч 23 красавіка на пасяджэнні прэзідыума Савета міністраў раскрытыкаваў невыкананне ўрадам мэтавых паказчыкаў, якія вызначаны кіраўніком дзяржавы на 2013 год. "Калі цяпер не паправіць становішча спраў, няма чаго чакаць і канца года, калі будзе дадзена ацэнка ўраду і аблвыканкамам кіраўніком дзяржавы", — адзначыў ён.
кіраўніком дзяржавы", — адзначыў ён.
"Таму калі ў нейкага міністра ці намесніка старшыні аблвыканкама, які курыруе адпаведны ўчастак, не атрымліваецца, будзьце мужыкамі — заяву на стол і шукайце іншую працу", — падкрэсліў прэм'ер, паведамілі ва ўрадзе.
Па словах кіраўніка ўрада, дасягнутыя ў студзені-сакавіку вынікі працы эканомікі можна назваць нядрэннымі толькі ў кантэксце агульнасусветных тэндэнцый запаволення глабальнай эканомікі, але яны не адпавядаюць планам развіцця краіны на 2013 год. Прэм'ер адзначыў, што праца міністраў і калегій міністэрстваў "зводзіцца да нейкіх дробных пытаннях, тых, якія, безумоўна, патрабуюць вырашэння, але яны могуць вырашацца нават на ўзроўні прадпрыемстваў", у той час як стратэгічнага падыходу ў першым квартале не прадэманстравана.
Міхаіл Мясніковіч таксама падкрэсліў, што па кожным рэгіёне Расіі, па кожнай краіне створаны міжурадавыя гандлёва-эканамічныя камісіі, але іх праца недастаткова эфектыўная. "Таму я прыняў рашэнне аб тым, што ў траўні кожнага сустаршыні з беларускага боку буду заслухоўваць аб праведзенай працы. Нам трэба дыверсіфікаваць рынкі збыту, але ніхто не заменіць аб'ёмаў нашага гандлю з Расійскай Федэрацыяй", — дадаў прэм'ер.
Кіраўнік урада адзначыў і рост знешняй дэбіторскай запазычанасці, перш за ўсё, Мінпрама, Мінэнерга, "Белнафтахіма". Пры гэтым ён даручыў да 15 траўня разгледзець кожнае міністэрства і вінаватых у неабгрунтаваным росце запазычанасці прыцягнуць да адказнасці, паколькі, паводле яго слоў, аб'ектыўныя прычыны росту дэбіторскай запазычанасцю фактычна адсутнічаюць.
Акрамя таго, Міхаіл Мясніковіч заявіў, што невыкананне прагнозных паказчыкаў з'яўляецца вынікам слабой працы кіраўнікоў з кадрамі на ўсіх узроўнях кіравання. "У той жа час усе неабходныя ўмовы для выканання планавых паказчыкаў у першым квартале года былі", — сказаў ён.