Пяткевіч вызваленая ад пасады памочніка прэзідэнта Беларусі па пагадненні бакоў

На пасадзе памочніка прэзідэнта Пяткевіч працавала з верасня 2011 года. 



Аляксандр Лукашэнка вызваліў Наталлю Пяткевіч ад пасады памочніка прэзідэнта Рэспублікі Беларусь па пагадненні бакоў.

Адпаведнае распараджэнне кіраўнік Беларусі падпісаў у сераду, паведамляе прэс-служба прэзідэнта.

Наталля Пяткевіч выпускніца юрфака БДУ 1994 года. Сваю кар'еру Пяткевіч пачала адразу ў адміністрацыі прэзідэнта. У 2001 годзе стала прэс-сакратаром Аляксандра Лукашэнкі, у 2004-м – намеснікам кіраўніка прэзідэнцкай адміністрацыі, у 2009-м – першым намеснікам кіраўніка адміністрацыі.
Пасаду памочніка прэзідэнта займала з верасня 2011 года. 
Пяткевіч таксама ўзначальвае Беларускі лыжны саюз. 
Наталлю Пяткевіч называюць "жалезнай лэдзі" беларускай палітыкі.