У Мінску затрымлівалі ўдзельніц акцыі ў падтрымку Марыі Калеснікавай

Увечары 8 верасня ў Мінску каля Камароўкі сілавікі ў масках затрымлівалі ўдзельнікаў акцыі ў падтрымку Марыі Калеснікавай і рэпрэсаваных. Не паспелі жанчыны разгарнуць плакаты, як іх пачалі забіраць і цягнуць у мікрааўтобусы, паведамляе Еўрарадыё.

Як толькі сабралося некалькі соцень пратэстоўцаў, затрыманні спыніліся. Жанчыны сталі ў кола і скандуюць «Марыя! Марыя!».


Як паведамляе TUT.BY, 7 мікрааўтобусаў і 3 аўтазакі з Машэрава з'ехалі. Яшчэ ў шэсць мікрааўтобусаў дапакоўваюць людзей на супрацьлеглым баку дарогі. Забралі не менш за 10 чалавек.

19:48 Сілавікі хапаюць людзей у дварах, куды яны бягуць хавацца

 
Масавыя затрыманні ўдзельніц акцыі:

Мінск. Дзяўчаты ад музея дайшлі да скрыжавання Купалы і Куйбышава. Да іх пад'ехалі тры мікрааўтобусы без нумароў, адтуль выскачылі людзі ў зялёнай форме без апазнавальных знакаў і цывільным адзенні. Дзяўчаты пабеглі назад у бок Незалежнасці. Аўтобусы спыніліся наводдаль ад скрыжавання, а потым з'ехалі. Нікога не затрымалі.


19:12 Мінск. Людзі, якія ішлі з Камароўкі, згарнулі на Машэрава. Туды пад'ехалі два мікрааўтобуса без нумароў і аўтазак. Пратэстоўцы скандуюць "Ганьба!". Пайшоў АМАП. Дзяўчыны гучна крычаць. Людзі ўсталі ў счэпкі. Пачаліся затрыманні.

19:09 Мінск. Дзяўчаты, якія сышлі ад музея — іх каля 30 чалавек, ідуць па праспекце Незалежнасці, часам скандуючы "Марыя — наша сумленне","Усё за адну, адна за ўсіх". Аўтамабілі сігналяць.
Дайшоўшы да цырка, дзяўчыны павярнулі на вуліцу Янкі Купалы.

Фота: Вадзім Заміроўскі, TUT.BY
18:55
Мінск. Людзі, якія ішлі ад Камароўскага рынку да праспекта, разгарнуліся і адправіліся на Куйбышава. У калоне каля 300 чалавек. Машыны сігналяць і запавольваюць рух. На вуліцы ўтварыўся вялікі затор у абодва бакі.


18:51 Мінск. Каля 20 дзяўчат сталі ў счэпку на прыступках Нацыянальнага мастацкага музея. Да іх падышлі невядомыя людзі ў масках і два міліцыянты, адзін з іх з мегафонам. Праваахоўнік сказаў прысутным, што іх сход парушае заканадаўства.
Адна з дзяўчат крыкнула яму ў адказ:
— Я проста сустрэлася з сяброўкамі.
Некалькі дзяўчат сышло, астатнія засталіся проста стаяць.


Побач стаяў заведзены мікрааўтобус без нумароў і некалькі легкавых аўтамабіляў, на якіх прыехалі людзі ў масках.
Дзяўчаты вырашылі сысці і рушылі ў бок праспекта Незалежнасці.

Фота: Вадзім Заміроўскі, TUT.BY
18:39 На гэтым відэа прысутныя ля Камароўскага рынку задаюць пытанні намесніку начальніка Савецкага РУУС Віктару Станіслаўчыку. У нейкі момант мужчына пачынае крычаць жанчыне ў твар "я не глухі!".




Сябра прэзідыюму Каардынацыйнай рады Марыя Калеснікава была схоплена ў цэнтры Мінску невядомымі 7 верасня. Дагэтуль дакладна невядома, дзе яна знаходзіцца.