Журналісты-расследавальнікі: Лукашэнка — чалавек года ў арганізаванай злачыннасці і карупцыі

Такую «намінацыю» палітык атрымаў ад Цэнтра па даследаванні карупцыі і арганізаванай злачыннасці (OCCRP), паведамляе «Наша Ніва».

occrp.jpg

Паведамляецца, што калегія з шасці журналістаў і навукоўцаў, якія займаюцца вывучэннем карупцыі, безапеляцыйна абрала Лукашэнку пераможцам сярод 1167 кандыдатаў. Упершыню за дзесяцігоддзе ўручэння сусветных прэмій «Чалавек года» рашэнне прынятае аднагалосна.

Фіналістамі былі таксама былы прэзідэнт Афганістана Асраф Гані, прэзідэнт Сірыі Башар Асад, прэзідэнт Турцыі Рэджэп Таіп Эрдаган і былы канцлер Аўстрыі Себасцьян Курц.