Ніякіх танкаў, толькі коні. 8 мая ў Парыжы (фота)
Мемарыяльная цырымонія прайшла 8 мая ў Парыжы ў гонар 71-й
гадавіны капітуляцыі Германіі ў Другой сусветнай вайне. Яе ўзначаліў прэзідэнт Французскай
Рэспублікі Франсуа Аланд, якога суправаджалі прэм'ер-міністр Манюэль Вальс,
міністр абароны Жан-Іў Ле Дрыян і кіраўнікі французскіх узброеных сілаў.
Франсуа Аланд вітае тых, хто прыйшоў паглядзець мемарыяльную цырымонію
Па
традыцыі, перад адкрыццём урачыстасцяў на Елісейскіх палях кіраўнік дзяржавы
ўсклаў вянок да помніка Шарлю дэ Голю.
Затым прэзідэнт праехаў на аўтамабілі па Елісейскіх палях у
суправаджэнні коннага эскорту Рэспубліканскай гвардыі. Кульмінацыяй
цырымоніі стала сімвалічнае запальванне агню ля магілы Невядомага салдата ля
Трыўмфальнай аркі, а таксама ўскладанне вянкоў да яе.
Пасля гэтага Аланд адправіўся да ганаровых гасцей
цырымоніі - прадстаўнікоў ваенных і ветэранскіх арганізацый, многія з якіх
неслі французскія Вайсковыя сцягі.