Беларускіх спартсменаў усё ж зарэгіструюць на Варшаўскі марафон. Але пры адной умове

Бегуноў з Беларусі зарэгіструюць для ўдзелу ў Варшаўскім марафоне. Але для гэтага ім давядзецца падпісаць заяву з асуджэннем расійскай агрэсіі ва Украіне, якая здзяйсняецца пры падтрымцы Беларусі. На такіх жа ўмовах у забегу змогуць узяць удзел і грамадзяне РФ, паведамляе супольнасць свабодных беларускіх спартсменаў.

Абмежаванні выкліканыя тым, што арганізатары мусяць падпарадкоўвацца правілам легкаатлетычных саюзаў, у календарах якіх зарэгістраваныя спаборніцтвы.

Новая форма для рэгістрацыі будзе даступная з 25 красавіка.

Нагадаем, раней наконт рэгістрацыі былі сумневы, але супольнасць свабодных спартсменаў Беларусі правяла працу з арганізатарамі марафону для допуску беларускіх бегуноў.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: