БФСС Аляксандры Герасімені сабраў сродкі на Спартыўны арбітраж. Фонд хоча засудзіць федэрацыю футбола

Беларускі фонд спартыўнай салідарнасці сабраў 22,5 тысячы еўра для аплаты пошліны ў Спартыўны арбітражны суд у Лазане (CAS).

Нагадаем, такую суму суд выставіў Фонду за разгляд спраў дзевяці заяўнікаў супраць УЕФА і Беларускай федэрацыі футбола. Частка сумы была сабраная за кошт прыватных ахвяраванняў беларусаў, яшчэ частку аплацілі беларускія прадпрымальнікі за мяжой, партнёрскія арганізацыі і футбольныя супольнасці.

Вядома, што разгляд справы можа заняць да трох месяцаў.

Беларускі фонд спартыўная салідарнасці ўжо колькі месяцаў дбае аб тым, каб не парушаліся правы беларускіх футбалістаў. Паводле меркавання і дадзеных БФСС, дыскрымінуюць гульцоў у тым ліку і функцыянеры нацыянанай футбольнай федэрацыі.

Паводле reform.by.