«Матэрыяльныя абмежаванні». Беларускіх баксёраў дапусцілі да спаборніцтваў, але яны не паедуць на ЧС

Зборныя Беларусі і Расіі зняліся адмовіліся ад удзелу у моладзевым чэмпіянаце свету па боксе.

«Міжнародная федэрацыя бокса (IBA) атрымала афіцыйныя лісты ад нацыянальных федэрацый Расіі і Беларусі, у якіх гаварылася, што баксёры дзвюх краін, нягледзячы на магчымасць удзелу ва ўсіх спаборніцтвах, не прымуць удзел у моладзевым чэмпіянаце свету па боксе сярод мужчын і жанчын 2022 года ў Ла‑Нусіі (Іспанія).

Прычына рашэння — часовыя і матэрыяльна‑тэхнічныя абмежаванні, звязаныя з падрыхтоўкай спартсменаў. Таму спаборніцтвы пройдуць без расійскіх і беларускіх спартоўцаў», — цытуе паведамляе «Матч ТВ» са спасылкай на прэс-службу IBA.

Што маецца на ўвазе пад «матэрыяльна-тэхнічнымі абмежаваннямі», не ўдакладняецца.

Раней з беларусаў і расійцаў знялі забарону на ўдзел у спаборніцтвах па боксе. Гэта стала магчымым праз тое, што Міжнародную федэрацыю гэтага віда спорту ўзначальвае расіец Умар Крамлёў.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: