10 украінскіх вайскоўцаў вызваленыя з палону баевікоў

За мінулы тыдзень на свабоду выйшлі 10 украінскіх сілавікоў, якія трапілі ў рукі рушэнцаў на Данбасе ў розны час. Пра гэта паведамляецца на афіцыйнай старонцы абароннага ведамства
ў „Facebookу”.



Падрабязнасці здзелкі невядомыя, аднак у ведамстве ўдакладняюць, што „перамовы па іх вызваленні вяліся на розных узроўнях”. Раней тэрарысты заяўлялі пра намеры абмену ваенных на сваіх затрыманых прыхільнікаў.



У бліжэйшы час чакаецца вызваленне лётчыцы Надзеі Саўчанка, якая ўваходзіла ў склад дабравольніцкага фармавання „Айдар”. Тэрарысты лічаць Саўчанку дасведчаным снайперам. 18 чэрвеня батальён быў разбіты, патрапіўшы ў засаду баевікоў падчас правядзення антытэрарыстычнай аперацыі ў Луганскай вобласці. Паводле некаторых СМІ, у палон да баевікоў, трапілі восем байцоў.



ДР, belsat.eu

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: