2 траўня ў Польшчы адзначаецца Дзень дзяржаўнага сцяга

2 траўня 1945 года салдаты Дывізіі імя Касцюшкі ўзнялі польскі сцяг над павержаным Берлінам.



2 траўня ў Польшчы адзначаецца Дзень дзяржаўнага сцяга.

Дзень сцяга з’яўляецца самым маладым дзяржаўным святам Польшчы.

Гэтае свята было зацверджанае Сеймам Польшчы ў 2004 годзе. Асноўнай яго мэтай, на думку парламентараў, мае быць распаўсюджванне ведаў пра польскую ідэнтычнасці і нацыянальныя сімвалы.

Выбар дня не быў выпадковым і мае глыбокае гістарычныя абгрунтаванне. 2 траўня 1945 года, салдаты 1-й польскай дывізіі імя Тадэвуша Касцюшкі ўзнеслі польскі сцяг над Берлінам.

Акрамя таго, у часы камуністычнай Польшчы ўлада забараняла вывешваць нацыянальныя сцягі ў дзень 2 траўня. Гэта было звязана з тым, што ўлада асцерагалася праяўлення грамадзянскай актыўнасці напярэдадні забароненага ў тыя часы Дня Канстытуцыі.

Таксама 2 траўня ў Польшчы адзначаецца Дзень палякаў свету.