Прэзідэнт Польшчы збіраецца правесці канстытуцыйны рэферэндум
«Я абвяшчаю аб правядзенні кансультацыйнага рэфэрэндуму ў пытанні зацвярджэння новай канстытуцыі».
PAP/Rafał Guz
Падчас урачыстасцяў з нагоды Дня Канстытуцыі прэзідэнт Польшчы Анджэй Дуда абвясціў, што ён намераны звярнуцца ў Сенат краіны, з прапановай правесці канстытуцыйны рэферэндум сёлета 10—11 лістапада.
— Хачу, каб гэтыя змены мы ажыццявілі разам, — звярнуўся прэзідэнт да прысутных на ўрачыстасці. — Мы павіны давяраць людзям, мець упэўненасць у мудрасці і адказнасці народу за лёс сваёй краіны. Я абвяшчаю аб правядзенні кансультацыйнага рэферэндуму ў пытанні зацвярджэння новай канстытуцыі. Адпаведныя прапановы будуць перададзеныя ў Сенат, — паведаміў прэзідэнт Дуда.
Спасылаючыся на Канстытуцыю 3 мая 1791 года, прэзідэнт падкрэсліў, што прыняцце гэтай канстытуцыі стала праўным прарывам у гісторыі Польшчы. Аднак гэтая канстытуцыя не змагла змяніць ход польскай гісторыі, заканадаўчы акт стаў выключна тастаментам Рэчы Паспалітай, перакананы прэзідэнт Польшчы.
Дзеючая Канстытуцыя была зацверджаная Нацыянальным сходам Польшчы 2 красавіка 1997 года.