Аўстралія: гібель людзей у выніку паводкі

Па меншай меры 5 чалавек загінулі ў выніку паводкі ў аўстралійскім штаце Квінслэнд, дзе прайшлі наймацнейшыя ліўні.



У адным з ДТЗ, па паведамленні паліцыі, ахвярамі стыхіі сталі мужчына, жанчына і дзіця, якія знаходзіліся ў змытай бурнымі патокамі вады аўтамашыне. У 40 кіламетрах ад Брысбена ўдалося выратаваць больш за 30 чалавек, паведамляе euronews.com.

"У паліцыю за ноч паступіла некалькі паведамленняў пра людзей, якія апынуліся на затопленых дарогах, у пастцы ў сваіх аўтамабілях, пра людзей, якія знаходзіліся на дахах сваіх машын, і нават пра тых, хто не ўмее плаваць. Праблема складаецца ў тым, што людзі рызыкуюць, спрабуючы самастойна выбрацца з небяспечных месцаў".

У гэтым раёне за 3 гадзіны выпала звыш 270 міліметраў ападкаў. У раёне Брысбена без электрычнасці засталіся больш за 1500 дамоў і крамаў.

Паляпшэнне надвор'я чакаецца толькі з ночы суботы на нядзелю.