Большая частка крамаў, банкі па-ранейшаму застаюцца зачыненымі.

Луганск восьмы дзень застаецца ў блакадзе: няма святла, вады і сувязі, паведамляе  Корреспондент.net.



Па стане на раніцу 10 жніўня сітуацыя ў Луганску застаецца напружанай — восьмы дзень абласны цэнтр застаецца без святла, вады, не працуе мабільная і стацыянарная сувязь, дакладвае прэс-служба гарсавета.

Па інфармацыі мясцовых жыхароў, горад працягваюць абстрэльваць. "Большая частка крамаў па-ранейшаму застаюцца зачыненымі. Аднак ва ўмовах адсутнасці энергазабеспячэння працягваюць выпякаць хлеб. Запасы паліва вычарпаныя, працуюць толькі некалькі аптэк. Таксама зачыненыя банкі, не выплачваюць пенсіі, зарплаты, сацыяльныя выплаты", — адзначае прэс-служба.

Так, у горадзе, пад абстрэл патрапіў рэстаран "Мансарда", размешчаны на тэрыторыі дзіцячага парку імя Шчорса. У выніку трапляння снарада, рэстаран амаль цалкам разбураны.

Нагадаем, абстаноўка ў Луганску застаецца напружанай. Спікер АТА Аляксей Дзмітрашкоўскі паведамляў, што ўчора прыхільнікі "Луганскай народнай рэспублікі" зноў абстралялі Луганскі аэрапорт з "Градаў" і мінамётаў. Таксама былі абстраляныя блокпосты ўкраінскіх ваенных каля населеных пунктаў Ніжняе, Верхнетарэцкае і Расна.

У сваю чаргу, у гарсавеце заявілі, што сёмы дзень Луганск без святла, вады, не працуе мабільная і стацыянарная сувязь.