Былую міністарку ў Даніі асудзілі на два месяцы турмы за разлучэнне мігранцкіх пар

Экс-міністарку па справах іміграцыі Даніі прызналі вінаватай у разлучэнні пар мігрантаў. Інгер Стойберг, якая ўзначальвала міністэрства з 2015 па 2019 год, асудзілі на два месяцы пазбаўлення волі за разлучэнне 23 пар непаўналетніх мігрантаў, піша «Радыё Свабода».

Інгер Стойберг

Інгер Стойберг


«Прайграла не толькі я, але прайгралі і дацкія каштоўнасці», — сказала Стойберг журналістам пасля прысуду Вярхоўнага суда Даніі, дадаўшы, што прымае пакаранне, але не раскайваецца.
Падчас свайго знаходжання на пасадзе Стойберг заняла жорсткую пазіцыю ў пытанні іміграцыі і ўвяла дзясяткі абмежаванняў, паведамляе «Бі-Бі-Сі». Сярод іх быў і загад ад 2016 года аб тым, што ўцекачы, якім не споўнілася 18 гадоў і якія знаходзяцца ў шлюбе, не павінны жыць разам.