Гаагскі суд: самалёт MH17 быў збіты ракетай, запушчанай з непадкантрольнай Украіне тэрыторыі

Акруговы суд Гаагі зачытвае сваё рашэнне па справе аб крушэнні «Боінга» 17 ліпеня 2014 года.

Суд прыйшоў да чаканай высновы, што «Боінг» рэйса МН17 быў збіты ракетай «Бук», якую запусцілі з раёна Першамайскага непадалёк ад горада Снежнае на ўсходзе Украіны (гэтая тэрыторыя ў той момант знаходзілася пад кантролем сіл самаабвешчанай ДНР).

Суд мяркуе, што на момант катастрофы самалёта Расія мела эфектыўны кантроль над кіраўнікамі і прыхільнікамі самаабвешчанай ДНР на ўсходзе Украіны.


Суд лічыць, што Расія з сярэдзіны траўня 2014 года забяспечвала падрыхтоўку ваенных ДНР, пастаўку зброі і харчавання, ажыццяўляла сур'ёзны ўплыў на палітыкаў ДНР, каардынавала ваенныя акцыі сепаратыстаў і сама прадпрымала ваенныя дзеянні на ўсходзе Украіны. Пра гэта паведамляе з залы суда карэспандэнт Рускай службы ВВС.


Нагадаем, што Boeing 777 авіякампаніі Malaysia Airlines 17 ліпеня 2014 года выконваў планавы рэйс MH17 па маршруце Амстэрдам — Куала-Лумпур. Самалёт быў збіты ў небе над Данбасам ракетай, выпушчанай з зенітна-ракетнага комплексу (ЗРК) «Бук».

На борце знаходзіліся 298 чалавек, усе яны загінулі.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: