Як КДБ змагалася з Калядамі. У СБУ рассакрэцілі архівы па барацьбе з калядоўшчыкамі

Паўстагоддзя таму савецкая ўлада на Украіне разгарнула карную аперацыю супраць украінскіх калядных батлеек. Цяпер спецслужба Украіны адкрыла архівы часоў СССР на гэтую тэму

Служба бяспекі Украіны напярэдадні Калядаў адкрыла архівы часоў СССР пра змаганне КДБ з батлейкамі.

СБУ апрылюдніла архіўныя дакументы, якія датычылі рэпрэсій украінцаў за калядныя батлейкі, якія праводзіла савецкая ўлада амаль 50 гадоў таму.

Так, у 1972 годзе пачалася аперацыя "Блок". З 12 па 14 студзеня ў Кіеве і Львове адбыліся ператрусы і затрыманні у асяроддзі ўкраінскай інтэлігенцыі: у прыватнасці, Васіля Стуса, Вячаслава Чарнавіла, Яўгена Сверсцюка, унучкі Івана Франко Зіновіі, Івана Святлічнага і іншых. Адпаведныя, ужо рассакрэчаныя, дакументы апублікаваныя на сайце электроннага архіва ўкраінскага вызвольнага руху.

Сярод дакументаў ёсць і інфармацыйныя паведамленні, у якіх гаворыцца пра тое, што КДБ сачыў за арганізацыяй калядаванняў і правядзеннем батлеек. Калядоўшчыкаў у КДБ назвалі "нацыяналістычна настроенымі асобамі". Таму спецслужба прымала меры, каб "высветліць, ці не ці паспрабуюць нацыянальныя элементы выкарыстоўваць калядкі ў варожых мэтах".