Юрый Шаўчук адмовіўся даваць паказанні паліцыі

Знакаміты музыка Юрый Шаўчук адмовіўся даваць паказанні наконт свайго антываеннага выступу на канцэрце ва Уфе.

Юрый Шаўчук на допыце ў паліцыі адмовіўся даваць паказанні, спаслаўшыся на артыкул 51 Канстытуцыі Расіі, яна дае права не сведчыць супраць сябе, паведамляе ВВС.

Нагадаем, што на канцэрце ў сваім родным горадзе, Уфе, лідар гурта ДДТ звярнуўся са сцэны да гледачоў з антываеннай прамовай, і ў прыватнасці сказаў: "Радзіма, сябры, — гэта не азадак прэзідэнта, які трэба ўвесь час цалаваць".

Юрый Шаўчук: «Маё Ватэрлоа яшчэ наперадзе»



За гэта на яго склалі пратакол паводле артыкулу аб дыскрэдытацыі расійскай арміі. Суд пройдзе ў Санкт-Пецярбургу, Шаўчуку пагражае штраф да 50 тысяч рублёў.