Колькасць загінулых пры выбуху ў Алепа вырасла да 112 чалавек

Колькасць сірыйцаў, якія загінулі пры выбуху ў прыгарадзе Алепа, вырасла да 112 чалавек.

Паводле Сірыйскага цэнтра маніторынгу за выкананнем правоў чалавека, які базуецца ў Брытаніі, 98 чалавек, эвакуіраваныя з гарадоў Фуа і Кефрая, загінулі, калі ў суботу каля іх аўтобусаў у падкантрольным паўстанцам раёне Рашыдзін выбухнуў начынены выбухоўкай аўтамабіль.

Таксама сярод загінуўшых — работнікі гуманітарных службаў і паўстанцы, якія ахоўвалі аўтобусы. Многія атрымалі раненні рознай ступені цяжкасці.

У велікодную нядзелю з рэзкім асуджэннем нападу ў Сірыі выступіў падчас казання Папа Рымскі Францыск.

Пакуль ніхто не ўзяў на сябе адказнасць за напад. Паводле дадзеных урадавых СМІ ў Дамаску, выбух ажыццявіў смяротнік.

Эвакуацыя з Фуа і Кефраі стала магчымая па дамоўленасці сірыйскіх уладаў з паўстанцкімі групамі

У калоне эвакуяваных было не менш за 5 000 чалавек, у тым ліку цывільныя асобы і праўрадавыя баевікі, якім быў дадзены дазвол пакінуць два шыіцкіх гарады Фуа і Кефрая, які ўжо больш за два гады знаходзяцца ў аблозе.

Цяперашняя эвакуацыя стала магчымай па дамоўленасці, дасягнутай паміж урадавымі сірыйскімі войскамі і паўстанцкімі групоўкамі.

Паводе ўмоваў дагавора, больш за 2 000 чалавек, у тым ліку ўзброеныя паўстанцы, будуць таксама вывезены з акружаных урадавымі войскамі гарадоў Мадайя.

Паводле ВВС