«Малдова не супраць у прынцыпе такога медаля, але «прэзідэнт перадасць сваім калегам, што Малдова не можа прыняць медаль, на якім выгравіраваны серп і молат. Ён думае, што варта пазбегнуць выкарыстання сімвалічных выяваў сярпа і молата па прычыне ўрону, нанесенага савецкім рэжымам», — гаворыцца ў заяве прэс-сакратара.
Гэта выклікала шквал пратэстаў з боку малдаўскіх камуністаў. Яны патрабуюць, каб парламент даў ацэнку словам прэзідэнта і правёў адпаведныя дэбаты. З улікам таго, што фракцыя камуністаў не мае ў парламенце большасці, ідэю адразу пахавалі.
Цяпер камуністы выношваюць іншы план — папрасіць Пуціна, каб ён тайна перадаў тыя медалі ў Малдову. А камуністы неафіцыйна раздадуць узнагароды ветэранам. На сённяшні дзень у Малдове пражывае 2300 ветэранаў Вялікай Айчыннай вайны.
Паводле малдаўскай прэсы
