Марш сэкс-працаўнікоў адбыўся сёння ў Кіеве
На Майдане работнікі сэкс-індустрыі пратэставалі супраць штрафаў за заняцце прастытуцыяй. Прастытуцыя — такая ж праца, як і ўсе астатнія, лічаць дэманстранткі.
Сёння, 3 сакавіка, у 11:00 у цэнтры Кіева распачаўся першы ўкраінскі марш сэкс-працаўнікоў супраць штрафаў за заняцце прастытуцыяй. Удзельнікі хавалі твары пад маскамі і сонцаахоўнымі акулярамі.
Як сказана на афіцыйным сайце арганізатараў і старонцы мерапрыемства ў Facebook, акцыя прымеркавана да міжнароднага Дня абароны правоў сэкс-працаўнікоў. Арганізатарамі пратэсту выступілі зарэгістраваныя ва Украіне "Усеўкраінская Ліга Легалайф" і "Міжнародны дабрачынны фонд Альянс грамадскага здароўя". На іх сайце паведамляецца, што на акцыю былі запрошаныя дыпламаты ЕС і прадстаўнікі міжнародных арганізацый.
Пратэстоўцаў, якіх сабралася некалькі дзясяткаў, ахоўвалі паліцыянты.
Відэа маршу сэкс-працаўнікоў
Падчас акцыі адна з актывістак — у аранжавай касцы і сонцаахоўных акулярах — перадала прадстаўніку Кабміна законапраект наконт адмены артыкула Адміністратыўнага кодэкса пра штрафы за прастытуцыю.
Пратэстоўцы хацелі патрапіць на пасяджэнне ўрада, але іх не прапусцілі.
Пасведчання сэкс-працаўніка (фота: Альянс грамадскага здароўя ў Facebook)
"Ліквідацыя штрафаў — першы крок на шляху да легалізацыі прастытуцыі. Прастытуцыя — такая ж праца, як і ўсе астатнія. Гэты бізнес легалізаваны ў большасці еўрапейскіх краін", — аргументуюць арганізатары "Усеўкраінская Ліга Легалайф" і "Міжнародны дабрачынны фонд Альянс грамадскага здароўя".
Паводле Корреспондент.net