Мітынгоўцы перадалі будынак Кіеўскай адміністрацыі АБСЕ, АБСЕ — уладам
Мітынгоўцы пакінулі будынак кіеўскай гарадской адміністрацыі. Адпаведны акт перад уваходам у памяшканне падпісаў камендант адміністрацыі Руслан Андрыйка і прадстаўнік АБСЕ, пасол Швайцарыі ва Украіне Крысціян Шонэнберг. Мітынгоўцы, якія знаходзіліся ў будынку, цяпер жыць у Кастрычніцкім палацы.
«Мы расчараваныя, але трымаемся. Мы павінны ўзяць сябе ў кулак і працягнуць барацьбу, як бы гэта цяжка
не было, — заявіў Андрэйка. — Цяпер у КГДА працуюць чыноўнікі, а ніводзін нелегітымны дэпутат сюды ня зойдзе. Міліцыя таксама сюды
не заходзіць. Гэта дэмілітарызаваная зона, сюды ня маюць права заходзіць ні міліцыя, ні «Беркут».
Адразу пасьля падпісаньня акту ў будынак зайшоў старшыня кіеўскай гарадзкой адміністрацыі Уладзімір Макеенка. Мітынгоўцы сустрэлі яго крыкамі «Далоў
гаўляйтэра». У сэсійнай залі Кіеўскай рады ён з паслом Швайцарыі падпісаў пратакол аб перадачы будынка групай міжнародных назіральнікаў, сярод якіх таксама
паслы Казахстану і Нарвэгіі, прадстаўнікам КГДА і Кіеўскай радзе. Адразу пасьля падпісання дакумэнту Макеенка заявіў, што няма ніякіх, ні маральных, ні матэрыяльных,
прэтэнзіяў да ўдзельнікаў акцый пратэсту.
«Тут няма ніякіх стратаў. Гэта памяшканне належыць кіеўскай супольнасці, — сказаў Макеенка. — Тут былі кіяўляне, тут былі грамадзяне
Украіны. Ніякіх прэтэнзій ні да каго няма. Ужо стаіць чарга кампаній-спонсараў , якія гатовыя правесці тут рамонты за свой кошт».
Цяпер частка мітынгоўцаў працягвае выносіць з памяшканьня асабістыя рэчы. Актывісты Эўрамайдану два з паловай месяцы ўтрымлівалі будынак Кіеўскай гарадзкой
адміністрацыі.