"Нармандская чацвёрка" дамовілася прыняць закон аб амністыі сепаратыстаў

Лідэры краін "нармандскай чацвёркі" падчас перамоваў у Парыжы дамовіліся аб паслядоўнасці выканання пунктаў Мінскіх пагадненняў, у прыватнасці аб амністыі сепаратыстаў ДНР і ЛНР перад выбарамі на тэрыторыі Данбаса. Пра гэта на прэс-канферэнцыі заявіла канцлер Нямеччыны Ангела Меркель.



Яна ўдакладніла, што была дасягнутая дамоўленасць аб прыняцці закона аб выбарах у Данбасе, закона аб асаблівым статусе Данбаса, закона аб амністыі сепаратыстаў.

"Усе гэтыя законы павінны быць узгодненыя ў трохбаковай рабочай групе", — сказала Меркель.

Раней яна заявіла, што прадстаўнікі Данецка і Луганска павінны ўзгадніць выбары з украінскай бокам.

"Выбары ў Данбасе павінны прайсці ў адпаведнасці з украінскім заканадаўствам", — падкрэсліла канцлер ФРГ.

Раней паведамлялася, што сустрэча прэзідэнтаў РФ, Францыі, Украіны і канцлера ФРГ Уладзіміра Пуціна, Франсуа Аланда, Пятра Парашэнкі і Ангелы Меркель у Парыжы доўжылася амаль пяць гадзін.

Паводле: kasparov.ru