Нобелеўскі камітэт адмовіўся супрацоўнічаць з ФІФА

Нобелеўскі камітэт вырашыў спыніць сумесную працу з ФІФА. Партнёрства арганізацый спынена да канца расследавання карупцыйнага скандалу, паведамляе www.dw.de.



Лагатып ФІФА на будынку арганізацыі ў Цюрыху

Камітэт па прысуджэнні Нобелеўскай прэміі ў Осла вырашыў спыніць усялякае супрацоўніцтва з Міжнароднай федэрацыяй футбола (ФІФА) у сувязі з карупцыйным скандалам, які разгарэўся у футбольнай арганізацыі. Нобелеўскі цэнтр міру паведаміў у панядзелак, 15 чэрвеня, што сумесная праца будзе спыненая да таго часу, пакуль не зменяцца абставіны. Пры гэтым прадстаўнікі камітэта адмовіліся наўпрост каментаваць абвінавачванні ў карупцыі, прад'яўленыя шэрагу функцыянераў ФІФА, паведамляе агенцтва AFP.

Партнёрства Нобелеўскага камітэта і ФІФА пачалося ў 2012 годзе. Арганізацыі сталі родапачынальнікамі ініцыятывы "Поціск рукі за мір", якая заклікае капітанаў каманд жаць адзін аднаму рукі перад матчам і такім жа чынам вітаць суддзяў.