Новым старшынём Вярхоўнай Рады абраны Турчынаў
За Аляксандра Турчынава прагаласавала 288 дэпутатаў. На пасаду старшыні парламента Украіны былі ўнесеныя кандыдатуры бізнэсоўца Пятра Парашэнкі і намесніка старшыні партыі «Бацькаўшчына» Аляксандра Турчынава.
Парашэнка зняў сваю кандыдатуру на карысць Турчынава.
«Цэнтр улады ва Украіне знаходзіцца тут, ва ўкраінскім парламенце. Мы павінны пачаць фармаваць кааліцыйны ўрад», — заявіў Турчынаў пасля абрання і заняў месца старшыні.
Аляксандр Турчынаў апрануты ў скураную куртку, на ягонай шчацэ пластыр, бо ён быў паранены ў шчаку асколкам шумавой гранаты падчас спробы зачысткі Майдана «Беркутам» 18 лютага.