Пачаліся рэверсіўныя пастаўкі газу нямецкай RWE ва Украіну
Нямецкая RWE пачала рэверсіўныя пастаўкі газу ва Украіну. Пра гэта гаворыцца ў паведамленні нямецкай газавай кампаніі, піша "ІТАР-ТАСС".
Рэверсіўныя пастаўкі, якія пачаліся з сённяшняга дня, праходзяць праз Польшчу.
Яны будуць ажыццяўляцца на аснове пяцігадовага рамачнага дагавора, які быў падпісаны ў маі 2012 года паміж "Нафтагазам" і RWE Supply & Trading.
Паводле дамовы, аб'ём паставак можа скласці да 10 млрд кубаметраў у год. У паведамленні адзначаецца, што пастаўкі газу ва Украіну грунтуецца на "еўрапейскіх аптовых цэнах на газ", у тым ліку, уключаючы транспартныя выдаткі.
"RWE лічыць, што ў далейшым значныя аб'ёмы газу могуць быць пастаўлены ў Украіну, калі розныя транспартныя забароны на ўкраінска-славацкай мяжы будуць палітычна і тэхнічна вырашаны ў бліжэйшыя некалькі тыдняў ці месяцаў", — падкрэсліваецца ў паведамленні.
У 2013 годзе RWE Supply & Trading ужо паставіла на Украіну каля 1 млрд кубаметраў газу.
Як раней паведамлялася, RWE Supply & Trading праводзіла перамовы на мінулым тыдні з "Нафтагазам Украіны" па спецыфічных пастаўках газу ва Украіну, якія павінны былі пачацца як мага хутчэй.