Падазраваную ў забойстве Шарамета вывеў з залі суда спецназ

Пра гэта паведаміла карэспандэнт hromadske з залі суда.

Спецпадраздзяленні штурмавалі залю Апеляцыйнага суда, дзе не прайшло слуханне справы аб падазраванай у забойстве журналіста Паўла Шарамета Юліі Кузьменка.

Спецназам удалося вывесці Юлію Кузьменка з залі суда.

Раніцай суд адклаў справу на 24 снежня, але прыхільнікі Кузьменка не пакінулі залу суда, спадзеючыся, што слуханне адбудзецца.


Адвакат Кузьменка Уладзіслаў Добаш папрасіў не адкладаць слуханні, а зрабіць некалькі гадзін перапынку, каб забяспечыць прыезд пракурораў і азнаёміць суддзяў з матэрыяламі справы.


Юлія Кузьменка таксама настойвала на перапынку, а не на пераносе.