Палякі развіталіся з Т. Мазавецкім

Пахаванне былога кіраўніка польскага ўраду адбудзецца сёння, 3 лістапада. 



Тысячы людзей прыйшлі, каб аддаць пашану Тадэвушу Мазавецкаму. 2 лістапада труна з целам памерлага палітыка была выстаўленая ў капліцы Прэзідэнцкага палацу.

Першымі перад ёй пакланіліся прэзідэнт Браніслаў Камароўскі з жонкай Аннай. Жыхары Варшавы прыходзілі на Кракаўскае прадмесце, каб пабачыць ахунутую ў бел-чырвоны сцяг труну і ўпісацца ў кнігу спачуванняў. Ганаровую варту ля труны былога кіраўніка польскага ўраду неслі жаўнеры і скаўты.

Нагадаем, першы некамуністычны прэм’ер-міністр пасляваеннай Польшчы Тадэвуш Мазавецкі памёр у мінулы панядзелак. Палітык будзе пахаваны 3 лістапада на могілках у Лясках пад Варшавай. У дзень пахавання ў Польшчы абвешчаная нацыянальная жалоба. 

www.radyjo.net

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: