Памёр французскі акцёр Жан-Поль Бельмандо

На 89-м годзе жыцця памёр французскі акцёр Жан-Поль Бельмандо, паведамляюць французскія сродкі масавай інфармацыі.

Пра смерць акцёра агенцтву Франс-прэс паведаміў ягоны адвакат Мішэль Гадэс. "Ён ужо некаторы час дрэнна сябе адчуваў. Ён сышоў ціха", — сказаў ён.
Бельмандо быў адным з самых яркіх асоб кінематаграфічнай "Французскай новай хвалі" — дзякуючы галоўнай ролі ў фільме "На апошнім дыханні" рэжысёра Жан-Люка Гадара, які выйшаў у 1960 годзе.
Бельмандо быў вельмі папулярны ў краінах былога Савецкага Саюза. Фільмы з яго ўдзелам неаднаразова дэманстраваліся ў кінатэатрах у савецкія гады — і мелі велізарную аўдыторыю.
bbc.com