Польскі фатограф атрымаў міжнародную прэмію за праект «Шнары» — пра падаўленне пратэстаў у Беларусі

За фотапраект «Шнары» аб падаўленні пратэстаў 2020 года ў Беларусі супраць рэжыму Лукашэнкі польскі фатограф Енджэй Навіцкі адзначаны міжнароднай прэміяй імя Луіса Валтуэньі за гуманітарную фатаграфію. Гэтая ўзнагарода штогод уручаецца фондам «Урачы свету. Іспанія», піша The Guardian.

Праца польскага фатографа прысвечана фізічным і псіхалагічным ранам, нанесеным сотням людзей.
Шнары, пакінутыя гэтымі падзеямі, адрозніваюцца па памерах і форме. Ёсць фізічныя шнары: удары, раны, пераломы. Але ёсць і псіхалагічныя шнары. Тое, што цяпер адбываецца ў Беларусі, таксама пакіне глыбокія шнары ў сацыяльнай структуры.