Прэм’ер Польшчы пазнаёміў кіраўніка Еўрапейскай камісіі з планам для Беларусі

Сёння, 24 верасня, у Бруселі кіраўнік Еўракамісіі Урсула фон дэр Ляен сустрэлася з лідарамі Вышаградскай групы.

Матэвуш Маравецкі. Фота  PAP/Paweł Supernak

Матэвуш Маравецкі. Фота  PAP/Paweł Supernak

Падчас сустрэчы з кіраўніком Еўрапейскай камісіі польскі прэм'ер-міністр Матэвуш Маравецкі прадставіў дэталі плана дапамогі для Беларусі, перадае «Польскае радыё».

«План быў прыняты добра. Мы хочам прадставіць пазітыўную прапанову для беларускага грамадства», — сказаў кіраўнік польскага ўрада.

План таксама будзе прэзентаваны на саміце ЕС у Бруселі на наступным тыдні.