Прыгожын — усё?

Што кажуць пра няскончаны паход Прыгожына на Маскву  блогеры, палітыкі і палітолагі?

Уладзімір Пастухоў: Як у булгакаўскім «Бегу» – дрэнны салдат, добра пачаў, кепска скончыў

Калі інфармацыя аб дамоўленасцях Дзюміна з Прыгожыным — не фэйк, які будзе абнулены гэтай жа ноччу, то Прыгожын – усё. Тут за сто гадоў нічога не памянялася: прамаруджванне — смерць любога паўстання. 

Што б ні паабяцалі Прыгожыну, у той момант, калі яго бандфармаванне раззброяць, усе абяцанні ператворацца ў жменьку куль. 

Я думаю, гэта якраз Прыгожын павінен разумець лепш, чым хто іншы. 

Значыць, Дзюмін зрабіў яму прапанову, ад якога той не змог адмовіцца. Ну якія яму могуць даць гарантыі і, галоўнае, хто? 

Ён быў часткай Суравікінскай партыі, выканаў сваю ролю — і цяпер яго, як выкарыстаны выраб, адправяць падсохнуць у Афрыку (ну гэта, значыць, калі ён не адумаецца да раніцы). 

Усё астатняе, як было напісана вышэй, будзе адбывацца ўжо без яго: Суравікін – вайсковы дыктатар, Дзюмін – зіц-прэзідэнт (пасярэднік заўсёды атрымлівае прэмію). Але не заўтра, вядома.

Вось проста як у «Бегу» Булгакава – дрэнны салдат: добра пачаў, кепска скончыў.

Няўзораў: “Яйкі Прыгожына аказаліся бутафорскімі”

Яйкі Прыгожына будуць адшпіленыя і здадзеныя ў кладоўку рэквізіту.

Публіка свішча.

Прадстаўленне сапсаванае. Артыст не справіўся з роляй Рычарда Ільвінае Сэрца; «забыўся словы», сарваў карону, сеў на сцэне і расплакаўся

Пранікнёныя прамовы пра «немагчымасць праліцця рускай крыві» — пацешна чуць ад таго, хто ліў яе кожны дзень дзясяткамі вёдраў, калі пасылаў сваіх зэкаў у «мясныя штурмы».

Палітолаг Абас Галямаў: Прыгожыну паабяцалі ўзяць у долю ў разрабаванні “няшчаснага Данбаса”

Такім чынам, Прыгожын абвясціў, што сыходзіць у палявыя лагеры «згодна з планам». Палітычнага праекта з таго, што адбываецца, так і не нарадзілася. Мабыць, усё вырашылася ў рамках камерцыйнай здзелкі. Ад «Вагнера» тупа адкупіліся.

Зрэшты, пытанне не закрытае і былы кухар застаецца ключавым гульцом расійскай палітыкі. Усе бачылі, што сістэма аказалася дзіравай — і ніякага супраціву яму аказаць не змагла. Так што Прыгожын — акцыі ўверх, сістэма — акцыі ўніз.

Вось некалькі пытанняў і адно сцвярджэнне, якія засталіся па выніках усёй гэтай справы 

1. Што будзе з кантрактам, які «Вагнер» павінен заключыць з Мінабароны?

2. Што будзе з Шайгу і Герасімавым? Ці пагодзіцца Прыгожын з тым, што гэтыя “нягоднікі і злачынцы” працягнуць кіраваць арміяй?

3. Што будзе з крымінальнай справай, распачатай сёння супраць Прыгожына?

4. Ці працягне «Вагнер» ваяваць, і калі працягне, то з якімі мэтамі? Каб павялічыць кантраляваную Расій тэрыторыю Данбаса, якую змогуць рабаваць пуцінскія алігархі?

Што тычыцца апошняга, чацвёртага, пытання, лічу магчымым сфармуляваць наступнае: калі Прыгожын працягне ваяваць, гэта будзе азначаць толькі адно: яго ўключылі ў долю і ўвесь яго ўчорашні крык быў не больш чым бізнес-праектам. Ён усяго толькі хоча сам паўдзельнічаць у разрабаванні “няшчаснага Данбаса”.

Антон Герашчанка: Працяг будзе

Рэйтынг Пуціна за 24 гадзіны з моманту путчу Прыгожына, паводле маіх ацэнак, упаў ніжэй за 30%. Крывавы забойца ператварыўся ў «кульгавую качку».

Састарэлы мачо канчаткова ператварыўся ў “ЧМО”.

Фактычна, сёння ў Расіі з'явіліся два прэзідэнты. Адзін сапраўдны, які мае рэальную вайсковую сілу, здольную бесперашкодна прайсці 600 кіламетраў, змятаючы ўсё на сваім шляху і збіваючы паўтузіна верталётаў, і зіц-прэзідэнт – Пуцін, які баязліва сядзеў у сябе ў бункеры, пасылаючы на перамовы з Прыгожыным свайго крывавага змоўшчыка Лукашэнку.

Чаму менавіта Лукашэнка стаў пасярэднікам у перамовах з падонкам Прыгожыным, спытаеце вы мяне? Усё вельмі проста. Заход атрадаў «Вагнера» ў Маскву, які быў толькі справай некалькіх гадзін, захоп імі ключавых дзяржаўных будынкаў, у тым ліку Крамля, азначаў бы падзенне рэжыму Пуціна, што немінуча цягнула за сабой і падзенне рэжыму Лукашэнкі. Вось чаму адзін стары маразматык кінуўся выратоўваць іншага маразматыка.

Што будзе далей?

Ніхто не ведае на гэты момант, якія менавіта дамоўленасці дасягнуты з Прыгожыным. Фактам з'яўляецца толькі тое, што калона ПВК спынілася за 200 км ад Масквы і разгарнулася назад, а таксама тое, што сілы Прыгожына пакінулі штаб Паўднёвай вайсковай акругі ў Растове.

Гэта залежыць ад таго, ці будзе Пуцін прытрымлівацца дамоўленасцяў з Прыгожыным па адстаўцы Шайгу і Герасімава.

Адно зразумела дакладна – будзе працяг.

Зянон Пазняк: Кульбіты рабскай псіхалогіі.

Прыгожын забіў некалькі расейцаў, зьнішчыў будынкі, дарогі, але расейцы яму апладыруюць, ледзь ня кідаюцца ў ногі. Чаму? Таму, што яны паважаюць толькі сілу. Яны прысягнуць любому новаму гаспадару, які да іх прыйдзе і пакажа сваю моц. Калі гэта будзе ЗСУ, яны будуць таксама кідацца ў ногі і пляскаць у далоні, толькі ўжо перад Залужным.