Расія. Кубань просіцца ва Украіну

Украінская грамадскасць з вялікім энтузіязмам каментуе скандал, які меў месца падчас матчу чарговага тура чэмпіянату Расіі па футболе паміж краснадарскай «Кубанню» і
санкт-пецярбургскім «Зенітам».



Фанаты гаспадароў расцягнулі на трыбунах вялізныя банеры на ўкраінскай мове з надпісам «За ФК «Кубань» — За Батьківщину» і выявай казака, а таксама датай заснавання клуба.

Тэкст мае ярка выражаны палітычны падтэкст. Нагадаем, што з канца XVIII стагоддзя Кубань засялялася казакамі, галоўным чынам з Запарожскай сечы. У цяперашні час на Кубані засталося шмат тапонімаў, звязаных з Украінай. Пасля абвяшчэння незалежнасці Украіны ў 1917 годзе Кіеў уключыў у межы будучай украінскай дзяржавы тэрыторыю Кубані. У сваю чаргу, частка створанай на Кубані казацкай рады таксама шукала кантактаў з украінскімі ўладамі.

У 1930-я гады ўкраінскае жыццё на Кубані стала малапрыкметным, аднак часам, як сведчаць падзеі на стадыёне, у Краснадары ўзгадваюць пра свае карані. Але некаторыя лічаць, што ўкраінская самасвядомасць прачнулася з-за таго, што галоўным інвестарам ФК «Кубань» з’яўляецца саўладальнік карпарацыі «Індустрыяльны саюз Данбаса» Алег Мкртчан. Нібыта для таго, каб падзякаваць фундатару, фанаты перайшлі на ўкраінскую мову.

Паводле ўкраінскай прэсы

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: