Савет ЕС ухваліў бязвіз з Грузіяй

Жыхары Грузіі змогуць ездзіць у Еўропу без віз. Савет Еўрасаюза ўхваліў ўвядзенне бязвізавага рэжыму паміж краінамі ЕС і Грузіяй. Пра гэта паведамляе прэс-служба Савета ЕС.

Таксама зацверджаны механізм прыпынення бязвізавага рэжыму з трэцімі краінамі.

"Гэта пагадненне зробіць народы Грузіі і краін ЕС бліжэй адзін да аднаго і будзе садзейнічаць умацаванню турызму і дзелавых сувязяў", — гаворыцца ў паведамленні.

У дамове пазначана, што "грамадзянам Грузіі з біяметрычнымі пашпартамі не патрэбна будзе віза для паездкі ў ЕС на тэрмін да 90 дзён для правядзення дзелавых, турыстычных паездак або паездак у сямейных мэтах".

Таксама Савет ЕС сёння падтрымаў механізм прыпынення бязвізавага рэжыму з трэцімі краінамі, які павінен падстрахаваць ад магчымага наплыву мігрантаў. Раней механізм прыпынення бязвіза ўзгадніў Еўрапарламент.

Цяпер Савет ЕС і Еўрапарламент павінны падпісаць прынятыя правілы. Падпісаны тэкст будзе апублікаваны ў афіцыйным часопісе ЕС і ўступіць у сілу праз 20 дзён.

Цырымонія падпісання бязвізавага рэжыму Еўрасаюза з Грузіяй адбудзецца ў Брусэлі 1 сакавіка.

Паводле Корреспондент.net