Stratfor: верагодны кампраміс паміж Захадам і Масквой ва «ўкраінскім пытанні»
ЗША і Расія, магчыма, блізкія да дасягнення паразумення з нагоды канфлікту на ўсходзе Украіны. Пра гэта гаворыцца ў справаздачы прыватнай амэрыканскай разведвальна-аналітычнай кампаніі Stratfor.
«Злучаныя Штаты і Расія, магчыма, рухаюцца да ўзаемапаразумення з нагоды канфлікту ва Украіне. У апошнія тыдні дыпламатычная актыўнасць паміж амерыканскімі і расійскімі чыноўнікамі аднавілася з шалёнай хуткасцю. Ёсць чуткі аб палітычных перастаноўкі на падкантрольнай сепаратыстам частцы Данбаса. Украінскія і расійскія СМІ нават паведамілі аб тое, што зараз ідзе праца па «сакрэтнай здзелцы», якая стане кампраміснай дамоўленасцю па палітычных і ваенных патрабаванням сепаратыстаў і Масквы з аднаго боку, а таксама Кіева і яго заходніх партнёраў — з другога», — адзначаецца ў справаздачы Stratfor.
У справаздачы гаворыцца, што «новае жыццё» перамовам могуць даць рэзкае падзенне коштаў на нафту, далейшае паслабленне расійскай эканомікі і ўцягненне РФ у сірыйскі канфлікт.
«Вялікая здзелка па Украіне яшчэ далёкая ад заканчэння, але могуць з’явіцца кампрамісы ў тых пытаннях, якія раней лічыліся не абмяркоўваемымі», — лічаць спецыялісты Stratfor.
Пры гэтым у дакладзе адзначаецца, што ёсць шмат прычын, каб ставіцца скептычна да гэтых чутак. А Кіеву не варта чакаць ад Масквы значных саступак.
«Крэмль традыцыйна ставіць уласныя нацыянальныя інтарэсы ў сферы бяспекі вышэй свайго эканамічнага развіцця. Прэзідэнт РФ Уладзімір Пуцін добра ведае, што геапалітычныя саступкі Захаду з боку былога лідэра Савецкага Саюза Міхаіла Гарбачова ў абмен на эканамічную дапамогу прывялі да распаду СССР. Пуцін таксама ўсведамляе, што калі ён пойдзе на значныя саступкі па Украіне без саступак з боку Кіева, гэта можа быць больш гібельна для яго палітычнай пазіцыі, чым эканамічны крызіс», — гаворыцца ў дакладзе.
Таксама паведамляецца, што ва Украіне таксама няма вялікага жадання ісці на саступкі, бо кампрамісы з сепаратыстамі і РФ могуць прывесці да канфлікту з скрайне правымі групоўкамі ў краіне.
У справаздачы адзначаецца, што тэмай апошніх перамоваў паміж Захадам і РФ было правядзенне мясцовых выбараў на акупаваных тэрыторыях.
«Правядзенне мясцовых выбараў у Данецку і Луганску можа паменшыць вострыя палітычныя рознагалоссі з нагоды статусу і самастойнасці рэгіёну. Аднак, для правядзення выбараў Расія і сепаратысты павінны супрацоўнічаць, пайсці на поўнае спыненне агню, адвод цяжкіх узбраенняў ад лініі судакранання і прадастаўлення доступу назіральнікам АБСЕ да ўсёй зоны баявых дзеянняў» — адзначылі аналітыкі.
У справаздачы адзначаецца, што калі Расія выканае гэтыя ўмовы, то Захад можа сур’ёзна задумацца аб скасаванні санкцый супраць РФ.
Паводле УНІАН