Суд прызнаў Саакашвілі вінаватым у незаконным перасячэнні мяжы

Мастыскі раённы суд Львоўскай вобласці прызнаў былога губернатара Адэскай вобласці (Украіна) і экс-прэзідэнта Грузіі вінаватым у незаконным перасячэнні ўкраінскай мяжы.

Мастыскі райсуд Львоўскай вобласці прызнаў вінаватым у незаконным перасячэнні дзяржаўнай мяжы лідэра партыі "Рух новых сіл", экс-кіраўніка Адэскай абладміністрацыі, экс-прэзідэнта Грузіі Міхеіла Саакашвілі. Адпаведнае рашэнне зачытаў суддзя Юрый Белавус ў пятніцу вечарам.
«Прызнаць вінаватым Саакашвілі Міхеіла ў незаконным перасячэнні дзяржмяжы Украіны», — паведаміў ён.
Як перадае карэспандэнт агенцтва "Інтэрфакс-Украіна", па рашэнні суда Саакашвілі павінен заплаціць штраф у памеры 3400 грн. (каля 130 у.е.).
Таксама Саакашвілі абавязалі заплаціць судовы збор у памеры 320 грн.
Названае рашэнне суда можа быць абскарджана ў судзе вышэйшай інстанцыі.
Самога палітыка на гэтым судовым пасяджэнні не было — ён праводзіў сустрэчы ў Чаркаскай вобласці.
Як вядома, 10 верасня лідар партыі "Рух новых сіл", экс-кіраўнік Адэскай абласной дзяржаўнай адміністрацыі Саакашвілі прыбыў ва Украіну.
Яго прыхільнікі, якія сабраліся ў ПП "Шэгіні", прарвалі мяжу з украінскага боку. Падчас інцыдэнту 11 байцоў Нацыянальнай паліцыі і 5 Дзяржпагранслужбы атрымалі цялесныя пашкоджанні.
12 верасня Саакашвілі падпісаў пратакол, складзены прадстаўнікамі Дзяржпагранслужбы Украіны, згодна з якім ён нібыта незаконна перасёк дзяржаўную мяжу 10 верасня ў пункце пропуску "Шэгіні", але разам з адвакатамі ўнёс у яго свае заўвагі і пярэчанні.
Разгляд пратаколу пачаўся 18 верасня.
20 верасня генпракурор Юрый Луцэнка заявіў, што Саакашвілі павінен заплаціць штраф за незаконнае перасячэнне дзяржаўнай мяжы Украіны. Саакашвілі назваў такую ​​заяву ціскам на суд.
Паводле «Украінскай праўды»