Суд вынес рашэнне аб завочным арышце экс-прэзідэнта Януковіча

Пячэрскі раённы суд Кіева па хадайніцтве Генпракуратуры дазволіў заключыць пад варту збеглага прэзідэнта Украіны Віктара Януковіча, паведамілі ў аўторак у ГПУ.



«19 студзеня 2015 года па хадайніцтве Генеральнай пракуратуры Украіны Пячэрскім раённым судом горада Кіева вынесена пастанова аб абранні меры стрымання ў выглядзе заключэння пад варту былога прэзідэнта Украіны В. Януковіча», - гаворыцца ў паведамленні.
Абранне названай меры дае магчымасць следчым Генеральнай пракуратуры патрабаваць экстрадыцыі Януковіча з тэрыторыі Расійскай Федэрацыі.
Як паведамлялася, 12 студзеня Інтэрпол аб'явіў у міжнародны вышук з мэтай затрымання і экстрадыцыі ва Украіну збеглых прадстаўнікоў папярэдняй улады краіны: экс-прэзідэнта Віктара Януковіча, яго сына Аляксандра і экс-прэм'ер-міністра Мікалая Азарава.
nvua.net