Telegraph: ваенная кампанія ў Сірыі прывядзе да росту цэн на нафту

Ваенная кампанія Расіі на тэрыторыі Сірыі можа стаць прычынай росту цэн на нафту, піша The Telegraph.



Абвал цэн на нафту, справакаваны Саудаўскай Аравіяй, ААЭ, Катарам і Кувейтам, мае негатыўны ўплыў на расійскую эканоміку. Калі тэндэнцыя зніжэння коштаў захаваецца ў наступным годзе, у расіян «з'явіцца мноства пытанняў да свайго лідара».

Зараз лішак у сусветных пастаўках нафты складае 2 млн барэляў у суткі, аднак краіны-экспарцёры нафты не плануюць скарачэнне здабычы.

The Telegraph адзначае, што нанясенне авіяўдараў па Сірыі з'яўляецца спробай Расіі «памяняцца месцамі з ЗША». Ваенная кампанія ў Сірыі спрыяе росту напружання ў рэгіёне і аказвае фінансавы ціск на Саудаўскую Аравію і яе саюзнікаў, якія падтрымліваюць сірыйскую апазіцыю. Гэта можа прывесці да таго, што Саудаўская Аравія будзе вымушана скараціць аб'ёмы здабычы, што ў канчатковым выніку прывядзе да росту коштаў на нафту.

Аднак адзначаецца, што ў будучыні Іран можа распачаць спробу павялічыць здабычу нафты. Калі гэта адбудзецца, то цана знізіцца. На думку выданне, гэта можа прывесці да краху ўрадаў Масквы і Эр-Рыяда.

Паводле www.gazeta.ru