Турцыя, Кіпр і Італія адмянілі кавідныя абмежаванні на ўезд

З 1 чэрвеня шэраг краін адмянілі апошнія кавідныя абмежаванні на ўезд.


Цяпер у Італію турысты могуць патрапіць без кавідных сертыфікатаў, даведак аб перанесенай хваробе або вынікаў ПЦР-тэстаў.

Кіпр таксама не будзе патрабаваць ад тых, хто ўязджае, прадастаўлення сертыфікатаў аб вакцынацыі, даведак аб выздараўленні або ПЦР-тэстаў. Гэта будзе тычыцца тых, хто прыбывае ў аэрапорты Ларнакі, Пафоса і марскія парты, піша REFORM.by.

Турцыя таксама з 1 чэрвеня зняла патрабаванне аб наяўнасці ПЦР-тэсту. Таксама ў краіне адменена нашэнне масак. Яно застаецца абавязковым толькі ў медыцынскіх установах.

Улады Тайланда адмянілі каранцін для ўсіх, хто прыбывае ў краіну, незалежна ад наяўнасці прышчэпкі. Пры гэтым вакцынаваныя павінны прад'явіць сертыфікат аб прышчэпцы, а невакцыніраваныя — ПЦР або антыгент-тэст, зроблены за 72 гадзіны да вылету. Па прыбыцці ў краіну ўсе вандроўнікі павінны прайсці медыцынскі агляд. Разам з тым улады адкрылі для ўезду 34 кантрольна-прапускныя пункты на наземных межах з Камбоджай, Лаосам, Малайзіяй і М'янмай.

Японія з 1 чэрвеня адмяніла каранцін для замежнікаў, якія прыбываюць з 98 краін. Пры гэтым ліміт на ўезд павышаны з 10 да 20 тысяч чалавек у суткі. Беларусь пры гэтым трапляе ў «жоўтую групу» краін. Пры наяўнасці сертыфіката аб прышчэпцы тэст на ўездзе не патрабуецца, а каранцін не патрэбны. Пры адсутнасці прышчэпкі спатрэбіцца тэст, а таксама прыйдзецца прайсці каранцін.



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: