У Бельгіі раздаюць пасцілкі з ёдам на выпадак ядзернай катастрофы

Улады Бельгіі гарантавалі раздачу бясплатных ёдазмяшчальных прэпаратаў у рамках плана ядзернай бяспекі краіны. Пагрозу могуць прадстаўляць як тэракты на атамных электрастанцыях, так і стан саміх АЭС.

Улады Бельгіі прынялі новы план ядзернай бяспекі краіны, які ўключае ў сябе раздачу насельніцтву пастцілак з ёдам, паведамляе RTBF. Сродкі, якія дапамагаюць справіцца з радыяцыйным заражэннем, бельгійцы змогуць бясплатна атрымаць з 6 сакавіка.
Права на такія прэпараты раней мелі толькі бельгійцы, якія жывуць непадалёк ад атамных электрастанцый. Акрамя іх атрыманне лекаў, якія перашкаджаюць развіццю рака шчытападобнай залозы, было гарантавана асобам, якія ўваходзяць у групы рызыкі — цяжарным жанчынам і дзецям. Новы план ядзернай бяспекі краіны, ухвалены кіраўніком МУС Жанам Жамбонам, прадугледжвае бясплатную выдачу ёдазмяшчальных пасцілак усім бельгійцам, якія жывуць у радыусе 100 км ад двух АЭС, якія працуюць у краіне. З улікам тэрыторыі Бельгіі гэта права атрымаюць усе грамадзяне краіны.
Ёдазмяшчальныя прэпараты прадухіляюць развіццё рака шчытападобнай залозы, які выклікаецца назапашваннем у арганізме радыёактыўных ізатопаў цэзію і стронцыю. Яны могуць патрапіць у навакольнае асяроддзе пры аварыі на ядзерным аб'екце і выклікаць радыяцыйнае заражэнне.
Паводле rbc.ru