У Брусэлі застрэлілі самалійца, які напаў з нажом на салдат

У цэнтры Бруселя 30-гадовы выхадзец з Самалі напаў з нажом на дваіх вайскоўцаў, адзін з іх атрымаў лёгкае раненне. Салдаты ў адказ адкрылі агонь. Нападнік быў шпіталізаваны ў цяжкім стане і неўзабаве памёр у бальніцы.

Падчас нападу злачынец крычаў «Алах акбар!».
У пракуратуры паведамілі, што лічаць напад тэрактам. Пры гэтым у праваахоўных органаў няма інфармацыі пра сувязі нападніка з тэрарыстычнымі арганізацыямі.

У сакавіку 2016 года ў Брусэлі быў здзейснены двайны тэракт. У аэрапорце Завентэм і на станцыі метро выбухнулі бомбы. У выніку выбухаў загінулі 32 чалавекі.
У 2015 годзе ў Бруселі былі затрыманыя падазраваныя ў датычнасці да тэрактаў у Парыжы, ахвярамі якіх сталі 130 чалавек. Як высветлілася ў ходзе расследавання, смяротнікі, якія здзейснілі тэракты, таксама пражывалі ў Бруселі.
Паводле meduza.io