У Грэцыі затрыманыя больш за 100 чалавек за падпалы лясоў

У мястэчку Крыянеры пажарны-добраахвотнік падпальваў траву, каб самому ж патушыць узгаранне. У выніку ён зладзіў чатыры пажары.

У Грэцыі праваахоўнікі затрымалі 118 чалавек па падазрэнні ў наўмысных або выпадковых падпалах лясоў, з іх 18 арыштаваныя. Пра гэта паведамляе korrespondent.net са спасылкай на Alpha.

Сцвярджаецца, што з 4 па 11 жніўня паліцыянты правялі па ўсёй краіне 118 затрыманняў па падазрэнні ў наўмысным падпале лясоў або падпалах па нядбайнасці. На 18 чалавек былі складзеныя дакументы на арышт. Узрост вінаватых вагаецца ад 15 да 78 гадоў.

Так, на востраве Лесбас мужчына зладзіў лясны пажар, калі спальваў авечую воўну. У горадзе Серэ ў парку спальвалі кабялі, каб здабыць з іх медзь. У гаі Фінапулу ў Гізі іншаземец з дапамогай папяровых ручнікоў і змятых пачкаў з-пад цыгарэт спрабаваў падпаліць дрэва і сухую траву.

А ў мястэчку Крыянеры пажарны-добраахвотнік падпальваў траву, каб самому ж патушыць узгаранне. У выніку ён зладзіў чатыры пажары, адзін з якіх распаўсюдзіўся на мясцовыя могілкі.

Таксама былі арыштаваныя шэсць чалавек за рабаванні паўразбураных пажарамі дамоў.

Нагадаем, у Грэцыі ўспыхнулі 586 пажараў за апошнія некалькі дзён. Сітуацыя абвастрылася на фоне беспрэцэдэнтнай спякоты і засухі. Напярэдадні ўлады эвакуявалі жыхароў 21 вёскі.