У КНДР колькасць новых падазроных выпадкаў COVID-19 пераўзыйшла 100 000 за дзень

У Паўночнай Карэі колькасць новых падазроных на каронавірус упершыню пераўзыйшла 100 000, паведамілі ў панядзелак яе дзяржаўныя СМІ на фоне здагадак, што Пхеньян можа паслабіць некаторыя антывірусныя меры.

У больш за 100 000 чалавек выявілі сімптомы ліхаманкі, і адна смерць была зарэгістравана за папярэдні дзень, паведаміла афіцыйнае Цэнтральнае інфармацыйнае агенцтва Карэі (KCNA) са спасылкай на даныя штаба па прафілактыцы надзвычайных сітуацый. Агульная колькасць выпадкаў ліхаманкі, як каронавірус называюць у КНДР, зарэгістраваных з канца красавіка, склала больш за 3,55 мільёна, з якіх больш за 3,36 мільёна ачунялі, і прынамсі 188 530 знаходзяцца на лячэнні. Колькасць загінулых склала 70 чалавек.

Пхеньян не рэагаваў на прапанову Сеула аб супрацоўніцтве з нагоды каронавіруса на працягу двух тыдняў з моманту спробы даслаць факс праз мяжу, каб прапанаваць кансультацыі на працоўным узроўні і медыцынскую дапамогу 16 траўня, паведамляе паўднёвакарэйскае агенцтва.