У СААЗ прапанавалі зняць абмежаванні на міжнародныя паездкі, бо ад забаронаў няма эфекту

Камітэт па надзвычайнай сітуацыі, які склікаў кіраўнік СААЗ у сувязі з пандэміяй COVID-19, рэкамендаваў зняць або аслабіць абмежаванні на падарожжы паміж краінамі

 Такая рэкамендацыя была прынятая 19 студзеня па выніках чарговага пасяджэння камітэта.

Абмежаванні на перамяшчэнні паміж краінамі, гаворыцца ў выніковай заяве, толькі «спрыяюць эканамічнаму і сацыяльнаму стрэсу, з якім сутыкаюцца дзяржавы», але не прыносяць выніку. Так, адзначаецца ў дакуменце, абмежаванні на міжнародныя паездкі ніяк не перашкодзілі распаўсюджванню варыянту каронавіруса амікрон.

Таксама Камітэт па надзвычайных сітуацыях паўтарыў рэкамендацыі, якія тычацца міжнародных паездак. У прыватнасці, у СААЗ зноў заклікалі не лічыць прад'яўленне доказаў вакцынацыі ад COVID-19 абавязковай умовай для паездкі, у тым ліку з-за няроўнай даступнасці прышчэпак у розных краінах.

Замест патрабаванні сертыфікатаў аб вакцынацыі, лічыць Камітэт па надзвычайнай сітуацыі, варта шырэй ужываць іншыя меры, напрыклад, тэставанне або ізаляцыю/каранцін. Пры гэтым у СААЗ лічаць, што такія меры «не павінны ствараць фінансавай нагрузкі на асоб, якія здзяйсняюць міжнародныя паездкі».

Паводле meduza.io