У Грозным партызаны захапілі Дом друку і школу, працягваюцца баі

Паведамляецца пра гібель шасці спецназаўцаў і сямі партызанаў.



На фота: ідзе абстрэл захопленага партызанамі Дома друку. Адносна аналагічных падзей у Адэсе расійскія СМІ пісалі: «пратэстоўцаў палілі жыўцом».


Спецаперацыя, якая ідзе ў цэнтры Грознага, будзе завершана да раніцы, абяцаў у сваім «Інстаграме» кіраўнік Чачні Рамзан Кадыраў, заклікаўшы жыхароў горада захоўваць спакой. Аднак па стане на раніцу бой працягваўся. Ён перамясціўся з будынку Дома Друку ў суседнюю школу.

У ноч на чацвер у цэнтры Грознага група ўзброеных людзей атакавала паліцыянтаў.
 
 
Пазней узброеная група захапіла Дом друку ў Грозным, дзе месцяцца рэдакцыі СМІ. Яшчэ пазней уначы баевікі занялі суседнюю школу, дзяцей там у гэты час не было.
 
 
У цэнтры чачэнскай сталіцы быў абвешчаны рэжым контртэрарыстычнай аперацыі. У горад увайшлі БТРы.
 
 
Будынак Дома друку быў цалкам акружаны. Да месца здарэння з'ехаліся прадстаўнікі практычна ўсіх сілавых структур Чачэнскай рэспублікі.
 
 
 
Паводле інфармацыі прэс-службы МУС Чачні, у Доме друку ў цэнтры Грознага застаюцца заблакаванымі да шасці партызанаў.
 
 
Як заявіў чачанскі лідар, у горадзе абстаноўка спакойная, працуюць усе службы забеспячэння.
 
 
«Я прашу жыхароў горада ў зоне правядзення аперацыі выконваць меры засцярогі, без асаблівай патрэбы не выходзіць на вуліцы, не падыходзіць да вокнаў. З надыходам раніцы аперацыя будзе завершана», — напісаў Кадыраў на сваёй старонцы ў сацсетцы.
 
 
Сёння Уладзімір Пуцін мае выступіць са зваротам да Федэральнага сходу Расіі. Партызаны выбралі для нападу менавіта ноч перад гэтай датай.
 
 

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: