У Расіі дзень нараджэння Пуціна хочуць аб'явіць святам «зялёных чалавечкаў»

Дэпутаты лічаць, што такое свята павялічыць колькасць маладых людзей, якія хочуць служыць у войску.



У Расіі дэпутат Дзярждумы Ігар Зотаў прапанаваў змяніць закон «Аб днях вайсковай славы і памятных датах». Дэпутат хоча, каб у Расіі 7 кастрычніка адзначалі Дзень ветлівых людзей. 
«Жыхары Крымскага паўвострава да гэтага часу ўспамінаюць ціхі подзвіг людзей у масках. Увесь свет бачыў толькі іх вочы  —  добрыя, спакойныя і трохі задумлівыя», — піша ў тлумачальнай запісцы Зотаў. 
Паведамляецца, што ідэю падтрымліваюць некаторыя члены «Адзінай Расіі», дзе лічаць, што такое свята павялічыць колькасць маладых людзей, якія хочуць служыць у войску. 
Цікава, што 7 кастрычніка нарадзіўся прэзідэнт Расіі Уладзімір Пуцін. Нагадаем, у Расіі «ветлівымі людзьмі» назвалі «зялёных чалавечкаў», якія акупавалі АР Крым у сакавіку 2014 года.
tsn.ua