У ЗША магутныя снегапады выклікалі авіякалапс

Больш за дзве тысячы рэйсаў адменены і больш за шэсць тысяч затрымліваюцца ў ЗША па стане ў ноч на пятніцу праз снегапады.



Мацней за ўсё непагадзь закранула аэрапорты О'Хара ў Чыкага, нью-ёркскі Ла-Гуардыя, Ліберці ў Ньюарку і Хопкінс у Кліўлендзе.
Снегапад і моцны вецер паўплываў не толькі на паветраныя камунікацыі. На паўночным усходзе ЗША закрытыя некалькі аўтадарог. У шэрагу рэгіёнаў улады прымаюць рашэнне прыпыніць працу грамадскага транспарту, школ, культурных устаноў і мясцовых адміністрацый.
Чакаецца, што снег і штармавы вецер спыняцца да вечара пятніцы, але на змену ім прыйдзе рэзкае пахаладанне.
Так, у Бостане ў ноч на суботу чакаецца да мінус 13 градусаў, у Чыкага — да мінус 17, у Нью-Ёрку - каля мінус 8. Пры гэтым у некаторых раёнах Новай Англіі тэмпература можа апускацца да мінус 23 градусаў.
Падобныя ўмовы надвор'я зімой у гэтых рэгіёнах не з'яўляюцца чымсьці надзвычайным, адзначае CNN, аднак у апошнія дні яны выклікалі больш цяжкасцяў, чым звычайна.
lenta.ru