Украінская «камандзіроўка» 247-га дэсантна-штурмавога палку ЗС РФ

Расія заяўляе пра парушэнне нормаў міжнароднага права і пра «нажы ў спіну» у кантэксце збітага Турцыяй Су-24, адначасова забываючыся на тое, колькі разоў сама парушала нормы гэтага права ў адносінах да Украіны.



Таму мы, міжнародная валанцёрская супольнасць InformNapalm, будзем і далей выкрываць гібрыдна-тэрарыстычную дзейнасць расійскіх акупацыйных войскаў і, у прыватнасці, кадравых падраздзяленняў ПДД РФ ва Украіне, наяўнасць якіх Крэмль баязліва адмаўляе.

Гэтым разам, у  поле нашага зроку трапіў «заблукалы» жаўнер-кантрактнік Рустам Жумбакаў (архіў профілю, архіў фотаальбома, архіў кантактаў) з 247-га дэсантна-штурмавога палку (ДШП) з складу 7-й паветрана-дэсантнай дывізіі (ПДД) — в/ч 54801, мейсца дыслякацыі г.Стаўрапаль. Рустам родам з Омска, новы 3-х гадовы вайсковы кантракт падпісаў у 2013 годзе, а да канца 2012 года служыў у іншым падраздзяленні, у структурах МУС РФ.

Разгледзім непасрэдныя факты, якія наўпрост сведчаць пра удзел Р. Жумбакава ў вайне супроць Украіны.

1. Самы цікавы момант — фота(архіў), выкладзены ў лістападзе 2014 года, у якім Жумбакаў з калегамі пазуюць на тле часовага палявога стойбішча падраздзялення і тэхнікі ў зоне канфлікту. Подпіс да фота: «Дзесьці там». Звяртае на сябе ўвагу:

— наяўнасць традыцыйных белых ідэнтыфікацыйных павязак «свой»;

— адсутнасць апазнавальных знакаў на уніформе старога расійскага ўзору “флёра”;

— на тэхніцы выразна бачныя спецыфічныя апазнавальныя знакі ў выглядзе вялікіх белых колаў на кабінах «КамАЗ» і «Газ-66» — падобныя знакі часта выкарыстоўвалі, як акупацыйныя войскі ЗС РФ, гэтак і некаторыя часткі ЗСУ. Таксама на БРДМ-2, можна пабачыць два белыя пасы наперадзе і на бакох, якія характэрныя для ЗСУ. Каму належыць тэхніка — вызначыць ужо складана: маркаванне маглі дамаляваць і самі расійцы для правакацыяў або частка тэхнікі была захопленая. Але ў любым выпадку, падобныя ідэнтыфікацыйныя знакі выкарыстоўваліся выключна на тэрыторыі Украіны падчас  актыўнай фазы «гібрыднай» вайны.

1. Яшчэ адное фота (архіў) Жумбакава выкладзенае ўжо ў верасьні 2015 году, дзе ён таксама зафіксаваны падчас баявых дзеяньняў ва Украіне: пазуе ля АГС, зноў жа адсутнасьць шаўронаў ЗС РФ, але прысутнічаюць тыя ж белыя апазнавальныя павязкі.

1. Нарэшце, групавое фота(архіў) расійскіх дэсантнікаў, выкладзенае таксама ў верасні 2015 года, у разнастайнай нестатутнай уніформе, без якіх-кольвек апазнавальных знакаў.

Некаторыя іншыя фатаздымкі вайсковага злачынца Р.Жумбакава, якія сведчаць, што ён з'яўляецца вайскоўцам ЗС РФ (у архівах — 1, 2, 3, 4, 5, 6).

Вось такія яны — чарговыя ўдзельнікі «грамадзянскае вайны ва Украіне». Рустам Жумбакаў, як і 247-ая ДШП ПДВ, папоўніць доказавую базу што да расійскіх вайсковых злачынстваў.

Зазначым, што расійскія вайсковыя злачынцы з 247-га ДШП раней ужо неаднойчы  фігуравалі ў кантэксце вайсковых дзеянняў на Данбасе ў расследаваннях InformNapalm:

• Змяшаная БТГр 247-га ДШП і 4-й ТД адпрацоўвае ўзаемадзеянне ў памежным з Украінай раёне Растоўскае вобласці;

• “Ці гараць танкі”. “Аўтарскае” відэа ад расійскіх акупантаў 247-га ПДП;

• 247-ы дэсантна-штурмавы полк 7-й дывізыі ПДВ ва Украіне;

• Засуджанага расійскага афіцэра ПДВ рэабілітавалі і падвысілі за ўдзел у неабвешчанай вайне супроць Украіны;

• Расійскія дэсантнікі сумуюць што да забойстваў

Ідэнтыфікацыю расійскага вайсковага злачынца здзейсніў валанцёр міжнароднай супольнасці InformNapalm Мікалай Махно

Пераклаў на беларускую мову Дзяніс Івашын

informnapalm.org