Укрпошта выпусціла марку з сабакам Патронам

Тыраж маркі — адзін мільён асобнікаў. Ва Укрпошце плануюць сабраць за яе больш за 60 мільёнаў грыўняў, ці паўтара мільёны долараў.


Укрпошта выпусціла новую марку. На гэты раз яе героем стаў сабака-сапёр ГСЧС Патрон. Пра гэта паведаміў гендырэктар кампаніі Ігар Смелянскі.

«Звычайна ў апошні дзень лета сумуеш, што яно прайшло. Але ў гэтым годзе, можа, і не варта гэтага рабіць. Таму, каб ужо канчаткова “размініраваць” сумны настрой, заўтра запускаем нашу марку з Патронам. Патрон будзе заўтра асабіста, а вось дзе — пакуль сюрпрыз, але заўтра будзе крута. Так што не пераключайцеся з самай раніцы. Гэта будзе першая марка ад Укрпошты, купляючы якую вы аўтаматычна далучаецца да дабрачыннасці», — казаў Смелянскі 31 жніўня, перадае Кorrespondent.net.

Па яго словах, 64 грыўні з кожнага ліста пойдзе на дабрачынныя мэты. Тыраж маркі — адзін мільён асобнікаў. Ва Укрпошце плануюць сабраць больш за 60 мільёнаў грыўняў, ці паўтара мільёны долараў, якія пойдуць у дапамогу KSE Foundation і United24 на два напрамкі: на адну з самых магутных машын для размініравання, і на дапамогу прытулкам жывёл.

«У Zagoriy Foundation ёсць цікавае даследаванне пра тое, што ў 2022 годзе 86% украінцаў сталі дабрачынцамі! Думаю, продажы новай маркі змогуць яшчэ больш палепшыць статыстыку. Цяпер ваша любімае: наклад — адзін мільён лістоў, будуць даступныя паштоўкі, канверты Першы дзень і мастацкія канверты фармату С6 і DL. Патрон будзе красавацца не толькі на марках — мы стварылі цэлы набор мерчу, які асабліва спадабаецца дзеткам: магніты, футболкі і худзі, а таксама заплечнікі і значкі», — адзначыў гендырэктар.

У прэзентацыі маркі ўзяў удзел сам сабака і прэзідэнт Украіны


Гэта ўжо трэцяя «ваенная» марка ад Укрпошты. Першая была прысвечаная «рускаму ваеннаму караблю», і стала дэфіцытам і рарытэтам: каб яе набыць, выстройваліся кіламетровыя чэргі. Другая марка была прысвечаная «трактарным войскам».



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: